Muxtar respublikada cəmiyyətin həssas qrupu sayılan pensiyaçıların rahatlığının təmin olunması, onların rifah halının yaxşılaşdırılması tədbirləri diqqət mərkəzində saxlanılır. Naxçıvan Muxtar Respublikası Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu da bu istiqamətdə verilən tapşırıqların yerinə yetirilməsi üçün mütəmadi olaraq tədbirlər görür. Əmək pensiyalarının və məcburi dövlət sosial sığorta haqları hesabına müavinətlərin ödənilməsi də bu tədbirlərdən biridir. Fond bu istiqamətdə üzərinə düşən vəzifələrin icrasını yerinə yetirib və ötən aylarda olduğu kimi aprel ayında da pensiyaların və məcburi dövlət sosial sığorta haqları hesabına müavinətlərin maliyyələşdirilməsi ilə bağlı işləri vaxtından əvvəl başa çatdırıb. Tələb olunan vəsait fondun xəzinə hesabından pensiyaçıların plastik bankomat kartlarına köçürülüb.

Naxçıvan Muxtar Respublikasının əmək və əhalinin sosial müdafiəsi naziri Ceyhun Cəlilov 11 aprel tarixində Kəngərli rayonunda həmin rayonun sakinlərini qəbul edəcək. Vətəndaşlar 7-10 aprel tarixlərində nazirliyə rəsmi şəkildə (Bu email ünvanı spambotlardan qorunur. Onu görmək üçün JavaScripti qoşmaq lazımdır. elektron ünvanı və ya 548-00-74/548-00-75) nömrəli telefonları ilə əlaqə saxlayıb qeydiyyata yazıla bilərlər.