“İş sahələrində əməyin mühafizəsinin təşkili” nə dair növbəti maarifləndirici seminar keçirilib
Naxçıvan Muxtar Respublikası Əmək və Əhalinin Sosial Müdafiəsi Nazirliyi tərəfindən iş sahələrində əməyin mühafizəsi qaydalarına riayət olunmasına dair maarifləndirici seminarlar davam etdirilir. Növbəti seminar, noyabrın 23-də Naxçıvan Muxtar Respublikası ərazisində fəaliyyət göstərən 15 istehsal müəssisəsinin aidiyyatı üzrə mütəxəssislərinin iştirakı ilə onlayn keçirilib. Seminarda Nazirlik yanında Dövlət Əmək Müfəttişliyi Xidmətinin nümayəndələri tərəfindən “iş sahələrində əməyin mühafizəsinin təşkili” mövzusunda maarifləndirici söhbətlər aparılıb, həmçinin bu mövzuda slaydlar nümayiş etdirilib, iştirakçıları maraqlandıran suallar cavablandırılıb.Sonda işəgötürənin və işçilərin əməyin mühafizəsi üzrə vəzifələrinə dair hazırlanmış maarifləndirici bukletlər elektron qaydada seminar iştirakçılarına təqdim edilib.