Şərur rayonunda əmək yarmarkası keçirilib

İyun ayının 23-də Şərur rayonunda keçirilən əmək yarmarkasında işaxtaranlara 11-i dövlət və 29-u özəl sektor olmaqla, ümumilikdə 40 müəssisədən 278 boş iş yeri təqdim edilib. Qeyd edək ki, əmək yarmarkasında 36 nəfərin sözügedən vakansiyalar üzrə işə göndərilməsi təmin olunub və 14 nəfərin isə özünüməşğulluq proqramına

cəlb edilməsi üçün qeydiyyatı aparılıb.
Ümumilikdə isə Naxçıvan şəhəri və muxtar respublikanın rayonlarında keçirilmiş əmək yarmarkalarında 103-ü dövlət və 95-i özəl olmaqla, ümumilikdə 198 müəssisədən 1580 boş iş yeri təqdim edilib. Qeyd edək ki, keçirilən əmək yarmarkalarında 209 nəfərin sözügedən vakansiyalar üzrə işə göndərilməsi təmin olunub və 40 nəfərin isə özünüməşğulluq proqramına cəlb edilməsi üçün qeydiyyatı aparılıb.