“Qazanxana maşinisti” peşə hazırlığı kursuna başlanılıb

Naxçıvan Muxtar Respublikası Ali Məclisi Sədrinin 28 yanvar 2021-ci il tarixli Sərəncamı ilə təsdiq olunmuş “2021-2025-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrasına və həmçinin 28 avqust 2021-ci il tarixdə Naxçıvan Muxtar Respublikası Ali Məclisində 2021-2022-ci illərin

payız-qış mövsümünə hazırlıq və qarşıda duran vəzifələrin yerinə yetirilməsi ilə əlaqədar keçirilmiş müşavirədə verilmiş tapşırıqlara uyğun olaraq, Naxçıvan Muxtar Respublikası Əmək və Əhalinin Sosial Müdafiəsi Nazirliyinin Naxçıvan Regional Peşə Tədris Mərkəzində 20 nəfər müdavimin iştirakı ilə “Qazanxana maşinisti” peşə hazırlığı kursuna başlanılıb. Peşə hazırlığı kursunun tədris müddəti bir aydır.