Sağlamlıq imkanları məhdud uşaqlar üçün Gənclik Mərkəzində film nümayişi təşkil olunub

Naxçıvan Muxtar Respublikasında sağlamlıq imkanları məhdud uşaqların asudə vaxtının səmərəli təşkili, onların sərbəst yaşayış imkanlarının artırılması istiqamətində tədbirlər davam etdirilir. Bu məqsədlə, növbəti tədbir fevral ayının 22-də Naxçıvan Muxtar Respublikası Əmək və Əhalinin Sosial Müdafiəsi Nazirliyinin və Gənclər və İdman Nazirliyinin birgə təşkilatçılığı ilə Gənclik Mərkəzində təşkil

olunub. Mərkəzdə, müvafiq kateqoriyadan olan uşaqlar üçün 3D formatında animasiyalı film nümayiş etdirilib. Sosial könüllülərin də iştirak etdiyi tədbirdə ümumilikdə, 160 nəfərə yaxın fiziki qüsurlu uşaq və onların valideynləri iştirak edib.
Qeyd edək ki, əsas məqsədi müvafiq kateqoriyadan olan uşaqların cəmiyyətə daha fəal inteqrasiysını təmin etməkdən ibarət olan bu tədbirlərin mütəmadi olaraq keçirilməsi nəzərdə tutulub.