Son illərdə muxtar respublikamızda sağlamlıq imkanları məhdud şəxslərin ictimai həyatın bütün sahələrinə fəal inteqrasiyası təmin olunur, bu sahədə bir sıra sosial layihələr və dövlət proqramları icra edilir
Son illərdə muxtar respublikamızda sağlamlıq imkanları məhdud şəxslərin ictimai həyatın bütün sahələrinə fəal inteqrasiyası təmin olunur, bu sahədə bir sıra sosial layihələr və dövlət proqramları icra edilir. Nəticədə, onlar üçün fərdi qabiliyyətləri və maraqlarına uyğun fəaliyyət mühiti yaradılır, sərbəst yaşayış imkanları artırılır.Bu istiqamətdə həyata keçirilən tədbirlər çərçivəsində, Noyabrın 17-də Babək rayon İcra Hakimiyyəti və Babək rayon Əhalinin Sosial Müdafiəsi Mərkəzi, həmçinin rayon Təhsil şöbəsinin birgə təşkilatçılığı ilə Mədəniyyət Sarayında sağlamlıq imkanları məhdud şəxslərin hazırladıqları əl işlərinin sərgi-satışı keçirilib. Sərgidə 8 sağlamlıq imkanı məhdud şəxsin 100-ə yaxın əl işi nümayiş olunub. Sərgi-satış tədbiri sakinlər tərəfindən böyük maraqla qarşılanıb və satış əsasında toplanan vəsaitlər müəlliflərə təqdim olunub.
