Sağlamlıq imkanları məhdud şəxslər arasında pauerliftinqin “bench press” növü üzrə Kəngərli rayon birinciliyi keçirilib.
Kəngərli Rayon Gənclər və İdman İdarəsi və Naxçıvan Paralimpiya Federasiyasının Kəngərli rayon bölməsinin birgə təşkilatçılığı ilə reallaşan birincilikdə 14 müvafiq kateqoriyadan olan şəxs iştirak edib.Məqsəd sağlamlıq imkanları məhdud şəxslərin asudə vaxtlarının idmanla dəyərləndirilməsi və pauerliftinq idman növündə inkişaf etmələrinə zəmin yaradılması olub.
Nəticələrə gəlincə öz yaş kateqoriyaları üzrə Nicat Süleymanov və Səfər Hüseynov I, Vüsal Əkbərov və Ümid Məmmədov II, Nurlan Şahhüseynov və Yunis Qəhrəmanov III yerə sahib olub. Qaliblərə diplomlar təqdim edilib.
