Əmək qanunvericiliyinin tələbləri diqqətdə saxlanılır

Naxçıvan Muxtar Respublikası Əmək və Əhalinin Sosial Müdafiəsi Nazirliyinin təşkilatçılığı ilə əmək qanunvericiliyinin tələblərinə əməl edilməsi istiqamətində maarifləndirici tədbirlərin icrası davam etdirilir. Bu məqsədlə, növbəti tədbir müxtəlif müəssisələrin kadr işləri üzrə 25 nümayəndəsinin iştirakı ilə Naxçıvan şəhərində baş tutub. Seminada Əmək müqaviləsi bildirişi üzrə elektron

informasiya sisteminin fəaliyyətinin təmin edilməsi ilə bağlı proqram təminatı, əlavə edilmiş ştat cədvəli üzrə yeni funksiyalar, həmçinin əmək müqaviləsi bildirişinin müvafiq sistemə daxil edilməsi şərtlərinə dair izahedici söhbətlər aparılıb, iştirakçılara müvafiq tövsiyyələr verilib. Tədbirin gedişində mövzu ətrafında iştirakçıları maraqlandıran suallar cavablandırılıb.