Naxçıvan Müəllimlər İnstitutunda maarifləndirici seminar keçirilmişdir
21 oktyabr 2021-ci il tarixdə Naxçıvan Müəllimlər İnstitutunda “Aliə təsərrüfatlarının yaradılmasına dövlət qayğısı və əhəmiyyəti” mövzusunda maarifləndirici seminar keçirilmişdir. Seminarda institutun professor-müəllim heyəti, tələbələri və Naxçıvan Muxtar Respublikası Əmək və Əhalinin Sosial Müdafiəsi Nazirliyinin əməkdaşları iştirak etmişdir. Seminarın keçirilməsinin əsas məqsədi muxtar respublikamızda əhalinin özünüməşğulluğunun stimullaşdırılması istiqamətində qəbul olunmuş Dövlət Proqramları, onların icrasını təmin etmək məqsədilə görülən işlər haqqında maarifləndirmə aparmaq, tələbələrin asudə vaxtlarında özünüməşğulluq proqramlarına cəlbinə nail olmaqdır.
Maarifləndirici seminarda Naçıvan Muxtar Respublikası Əmək və Əhalinin Sosial Müdafiəsi Nazirliyinin əməkdaşları Elmar Eyvazovun “Əhalinin məşğulluğu diqqətdə saxlanılır, fərdi ailə təsərrüfatlarının yaradılmasına köməklik göstərilir” və Elvin Bağırlının “Naxçıvan Muxtar Respublikasında yeni ailə təssərüfatlarının yaradılmasında özünüməşğulluq proqramının rolu” mövzularında məruzələri dinlənilmişdir.