Şahbuz Rayon Gənclər və İdman İdarəsinin və Naxçıvan Muxtar Respublikası Paralimpiya Federasiyasının yerli bölməsinin birgə təşkilatçılığı ilə sağlamlıq imkanları məhdud uşaqlar arasında atletikanın 100 metr məsafəyə qaçış növü üzrə birincilik keçirilib
Yarışın əsas məqsədi Şahbuz rayonunda atletika idman növünü tanıtmaq və inkişaf etdirmək, sağlamlıq imkanları məhdud uşaqların asudə vaxtlarını səmərəli təşkil etməkdən ibarət olub.
Şahbuz şəhər stadionunda keçirilən yarışda 10 yeniyetmə iştirak edib. Nəticədə Cəfərov Məmmədalı 1-ci yerin, İsmayılov Kənan 2-ci yerin, Məmmədov Rizvan 3-cü yerin qalibi olublar. Sonda qaliblərə yarış təşkilatçılarının diplomları, fəxri fərmanlar və qiymətli hədiyyələr təqdim olunub.