Sağlamlıq imkanları məhdud 18 yaşınadək uşaqlar arasında stolüstü tennis üzrə yarış keçirilib
Naxçıvan Muxtar Respublikası Paralimpiya Federasiyasının Sədərək bölməsinin və müvafiq yerli qurumların birgə təşkilatçılığı ilə sağlamlıq imkanları məhdud 18 yaşınadək uşaqlar arasında stolüstü tennis üzrə yarış keçirilib, yarışda 8 müvafiq kateqoriyalı uşaq iştirak edib.Yekun nəticələrə əsasən, Bayramova Şəfayət Kamal qızı I yerə, Abbaslı Aynur Ceyhun qızı II yerə, Həsənov Elman Elvin oğlu isə III yerə layiq görülüb. Yarışın sonunda iştirakçılar diplom və hədiyyələrlə mükafatlandırılıb. Qeyd edək ki, sözügedən idman növü üzrə son dövrlərdə Federasiyanın yeni bölmələri yaradılıb və stolüstü tennisə müvafiq kateqoriyadan olan gənclər arasında maraq günü-gündən artmaqdadır.
