Muxtar respublikamızda sağlamlıq imkanları məhdud olan uşaqlar hərtərəfli diqqət və qayğı ilə əhatə olunub
Naxçıvan Muxtar Respublikası Ali Məclisi Sədri tərəfindən mart ayının 15-də təsdiq edilən “2021-2025-ci illərdə Naxçıvan Muxtar Respublikasında sağlamlıq imkanları məhdud uşaqların təhsili və reabilitasiyası üzrə Dövlət Proqramı”nın icrası nəticəsində, müvafiq kateqoriyadan olan uşaqların iştirakı ilə müxtəlif yaradıcılıq tədbirlərinin, bilik müsabiqələrinin təşkili, onların cəmiyyətə daha fəal inteqrasiyası ilə yanaşı, həm də istedadlarının üzə çıxarılması baxımından mühüm əhəmiyyətə malikdir.
Bu tədbirlərin davamı olaraq, Babək rayonunda sağlamlıq imkanları məhdud 18 yaşadək uşaqlar arasında intelektual oyun təşkil olunub. Müsabiqənin yekun nəticələrinə əsasən, Abdullayev Hüseyn Zal oğlu I yerə, Baxşıyeva Gülay Rəşad qızı II yerə, Hacıyeva Surə Qəşəm qızı III yerə layiq görülüb. Sonda, iştirakçılar diplom və fəxri fərmanlarla mükafatlandırılıb.