Kəngərli rayonunda sağlamlıq imkanları məhdud uşaqlar arasında boccia yarışı keçirilib
Kəngərli rayon Gənclər və İdman İdarəsi, Naxçıvan Muxtar Respublikası Paralimpiya Federasiyasının yerli bölməsinin birgə təşkilatçılığı ilə sağlamlıq imkanları məhdud uşaqlar arasında boccia üzrə rayon birinciliyi təşkil olunub.
Olimpiya sistemi üzrə keçirilən birinciliyin yekun nəticələrinə əsasən, Adəm Əsgərli 1-ci yerə layiq görülüb. Nərmin Dünyamalıyeva yarışı 2-ci, Nazlı Qəmbərli isə 3-cü sırada tamamlayıb.
Yarışın sonunda iştirakçılara həvəsləndirici diplomlar təqdim edilib.