Şərur rayonunda sağlamlıq imkanları məhdud uşaqlar arasında “Vətəni tanı!” İntellektual Oyunu keçirilib

Oyun uşaqlar tərəfindən Azərbaycanın ərazi bütovlüyünün mənimsənilməsi, onların reabilitasiyası və intellektual biliklərinin artırılması məqsədi ilə təşkil olunub. Qaydalara əsasən, müxtəlif rənglərdə göstərilən vektorial şəhər və rayon hissəciklərini xəritə üzərində öz yerinə yerləşdirməklə vahid Azərbaycan xəritəsini tamamlamaq lazım olub. Xəritə keçməcəli (pazl) şəklində olub və Azərbaycanın hər bir inzibati ərazi vahidi orada ayrılıqda göstərilib.

Nəticələr Azərbaycan xəritəsinin tamamlanması üçün sərf olunan vaxt ərzində hesablanıb. Gənclər və İdman İdarəsi və Şərur Rayon Əhalinin Sosial Müdafiə Mərkəzinin birgə təşkilatçılığı ilə keçirilən oyunda 10 nəfər iştirak edib. Nəticələrə əsasən, Əliyev Qərib xəritəni daha taz tamamlayaraq I, Seyidov Mirhəsən II, Rzayev Sahil isə III yerə layiq görülüb. Sonda yarış iştirakçılarına diplomlar təqdim olunub.